金滿庭京川滬菜館 (九龍東智選假日酒店) (已結業)

家人熱愛上海菜，7人去到呢間位於將軍澳假日酒店既金滿庭，有幸使用貴賓房，有落地玻璃夜景，大大部電視，環境夠哂矜貴，望望細貴賓房min charge 1300蚊，其實唔算好貴喎，平時食都咁上下，有機會訂訂看。家人最愛既擔擔麵仍然保持水準，好多料，有小中大辣選擇，我家愛小辣。黃花魚肉香嫩滑，可惜其中1條切割不良，腩位有苦澀味，餐廳安排再蒸1條比我地。包點紅油抄手，素菜包，流沙包，保持水準。鱔鰗味濃，醬汁惹味。是日特價八寶辣醬，42蚊。原來叫左特價或套餐不能儲asia miles, 早知食第2樣好過。紫薯上湯豆苗，份量夠大，豆苗爽甜，仲有本人最愛蒜子，正全晚主角久等出場，元蹄好厚肉，皮脂非常香滑，肉亦夠嫩，醬油配合亦很搭配，餸飯一流，唔會有油膩感，不過罪咎感大量，不敢多吃。最少6個人先好叫。冰花燉雪梨好大碗，2 3 人share 都可以，秋冬潤一潤，作結尾圓滿。