安客蔥雞

营业中

休息中

西营盘高街餐厅云集，今次初访呢一间人气韩国菜🇰🇷平日夜晚黎到见到全场爆满，仲有门口旁边高枱座位可以同朋友饮返两杯，气氛唔错！餐牌上见到不同口味炸鸡，仲有好多经典韩国菜式，价钱以港岛来讲都唔太贵🙆🏻‍♀️🔸甜辣酱无骨炸鸡餐牌上大部分炸鸡口味都可以选择无骨或者有骨，因应人数食量拣小份或大份，仲可以加配额外酱汁或芝士酱。我地拣左甜辣酱无骨炸鸡，小份已经好有份量足够两个人食！表皮炸得香脆，唔会有油腻感；里面鸡肉嫩滑保持肉汁，酱汁微甜带辣劲，几惹味🤤🔸芝士炒年糕年糕煮得十分烟韧有咬劲，配上较浓味以韩式辣酱为基底既酱汁味道刚好平衡，加埋芝士总会有拉丝效果添🥰🔸泡菜煎饼薄薄煎饼非常足料唔怕厚粉，泡菜口感同香味抢镜！🔸提子烧酒，朱古力奶昔食韩国菜必饮烧酒，但估唔到呢度奶昔都好高质！朱古力奶昔味道浓郁质感幼滑，唔会一味得糖浆死甜👍🏻