巴剎雞飯 (已結業)

之前周不时都会经过呢头，觉得个氛围都几正，好chill 咁，可能因为好多酒吧同西餐厅嘅关系不过次次行埋去望到个Menu都觉得无论价钱同食物都唔系好吸引今日居然俾我发现咗呢间无论食物同环境都同呢条街唔系好夹嘅餐厅，完全系别树一格，咁样反而令我好有兴趣试下，一黎我比较钟意食亚洲菜，二黎佢嘅价钱都算系呢条街入面数一数二抵食我哋两个人食到抱住个肚走都系人均百几蚊~餐厅环境都几地踎，摆枱方式似大排档，圆枱大家围坐~ 佢主打马拉菜，我哋叫咗沙嗲串烧，炒萝卜糕，椰丝咖央手抓饼同鸡~ 因为肉嘅份量好多，男友表示超满足佢最钟意就系沙嗲串烧，用炭炉上除咗有特色之余，令到啲肉有少少炭烧香味，出面好难食到呢种风味，个人觉得系必试另外我自己都好钟意炒萝卜糕，香喷喷有镬气好好食~ 如果黎开呢头又唔想食西餐嘅话，都不妨试吓呢间性价比咁高嘅餐厅