巴剎雞飯 (已結業)

海南鸡饭就食得多，今次试下不一样嘅巴刹鸡饭。虽然打正旗号系巴刹鸡饭，但其实食物种类系有好多嘅。巴刹鸡- 半只$120去哂骨食得十分方便，份量亦足半只鸡嘅肉。肉质爽滑，就算连鸡胸嘅部位都整得好嫩。可以自由配搭酱油，辣汁或者特制酱一齐食。另外配埋一碗鸡汤，建议可以加少少店舖自家炒嘅黑胡椒粒，超级香。炸肉捞面 $56呢种口味嘅炸肉第一次食，一口一旧几过瘾。肉嘅肥瘦均匀，口感啱啱好。捞面亦都唔会太淋太浆，酱油同调味都较得唔错。皮蛋汤饺 $46如果钟意食皮蛋嘅话一定要叫，只只都足料有一瓣皮蛋，每只都又饱满又好食。其实仲有炸嘅皮蛋饺，不过唔想太热气就叫汤，不过炸应该会仲香。炭烧沙嗲 -猪肉$48沙嗲食得多，用炉热住上台嘅串烧，就第一次，够哂细心。沙嗲酱系花生味较浓嘅，肉嘅腌料亦好强嘅香料味。咖央椰丝手抓饼$28甜品必选，咖央酱配搭手抓饼食落比多士无咁饱无咁heavy, 手抓饼口感酥脆，一口一旧啱啱好。