Grotta Wine & Dine (已結業)

今次已经不是第一次嚟，每次嚟都有新惊喜，所以今次一定要写食评，希望可以多啲人认识呢间新开既餐厅，餐厅既第一眼吸引之处一定系装修，整个感觉都好Chill，门口既特式墙绝对系打卡热点。之前试过沙律，芒果大虾🍤沙律绝对系值得推介，今次冇食沙律，叫了一个蒜香白酒汁蚬肉伴多士，佢系以一个砂煲上枱既，一打开盖，卖相同香味超吸引，即刻开餐，蚬肉好鲜味，之后再试埋面包同啲汁，面包好脆，再同啲汁夹埋食，又鲜又脆，正！主菜试过招牌海鲜意大利粉，好足料，海鲜新鲜，同埋啲汁夹埋意粉再加少少🤏黑椒，超赞。而今次就点左客厅出名既Steaks，牛扒海鲜大餐，西冷加烤大虾，西冷岩岩好，我唔太like食好熟好干，但又怕太生，呢个扒真系刚好，切既时候唔会话仲有血汁，但又可以keep到生生地，再加埋餐厅既House Red，完全岩晒我既口味，仲有烤虾，建议加少少盐食，鲜味更出。