影片
更多
2024-03-01
1429 浏览
ZipZip📍铜锣湾霎西街28号必发商业大厦1楼朋友知道我一向好钟意去一啲可以打卡嘅地方食嘢，当佢同朋友去过Zipzip后，决定带我去食一次，话我一定会好钟意𠮶度嘅vibe，亦会欣赏佢高质嘅环境同食物！知我心意嘅佢又点会甩辘呀，去到见到大量好有个性嘅摆设、海报同浮夸嘅装饰，人未食，相机就已经食先。因为订咗位，所以店员安排我哋坐喺大玻璃窗下，配合各种串灯灯饰，有种似坐喺室外嘅感觉，既有玩味又几浪漫。我仲同朋友讲笑话，嚟呢度食情人节晚餐都唔失礼㖞，佢就好得戚咁讲：「紧系啦，我拣㗎嘛！」佢食过一次之后，话好欣赏设计menu、菜式同门面嘅人，因为可以感受到佢哋嘅用心，由选料配搭到摆盘命名，每一环都帮助到营造气氛，令人放松享受每道菜嘅滋味。 💰$158有蟹GO又有蟹肉的蟹蟹蟹意大利扁面 🦀菜名有5个蟹字，可想而知蟹味有几浓！虽然个名古灵精怪，但真系名副其实有齐蟹膏、蟹肉、蟹钳同蟹籽，卖相吸引，味道一流。呢道意粉选用扁身、较挂汁嘅linguine，以大量蟹膏、蟹肉、同蟹籽调制酱汁，入口满满蟹味！蟹膏酱偏灰，蟹味浓厚甘香，拆丝蟹肉、小蟹钳淡香清甜，蟹籽增加色彩同口感，完美运用到蟹嘅每一部份。份量唔算
📍铜锣湾霎西街28号必发商业大厦1楼
朋友知道我一向好钟意去一啲可以打卡嘅地方食嘢，当佢同朋友去过Zipzip后，决定带我去食一次，话我一定会好钟意𠮶度嘅vibe，亦会欣赏佢高质嘅环境同食物！
知我心意嘅佢又点会甩辘呀，去到见到大量好有个性嘅摆设、海报同浮夸嘅装饰，人未食，相机就已经食先。因为订咗位，所以店员安排我哋坐喺大玻璃窗下，配合各种串灯灯饰，有种似坐喺室外嘅感觉，既有玩味又几浪漫。我仲同朋友讲笑话，嚟呢度食情人节晚餐都唔失礼㖞，佢就好得戚咁讲：「紧系啦，我拣㗎嘛！」
佢食过一次之后，话好欣赏设计menu、菜式同门面嘅人，因为可以感受到佢哋嘅用心，由选料配搭到摆盘命名，每一环都帮助到营造气氛，令人放松享受每道菜嘅滋味。
[价钱 Price]
💰$158
有蟹GO又有蟹肉的蟹蟹蟹意大利扁面 🦀
菜名有5个蟹字，可想而知蟹味有几浓！虽然个名古灵精怪，但真系名副其实有齐蟹膏、蟹肉、蟹钳同蟹籽，卖相吸引，味道一流。
呢道意粉选用扁身、较挂汁嘅linguine，以大量蟹膏、蟹肉、同蟹籽调制酱汁，入口满满蟹味！蟹膏酱偏灰，蟹味浓厚甘香，拆丝蟹肉、小蟹钳淡香清甜，蟹籽增加色彩同口感，完美运用到蟹嘅每一部份。份量唔算多，但胜在口感香滑有层次，意粉面质爽口，值得推介。
[价钱 Price]
💰$138
以为食紧片皮鸭比萨 🍕
菜名讲出我嘅心声，食食下真系讲咗句：「我以为食紧片皮鸭pizza！」虽然俾对pizza好有执着嘅意大利人见到可能会嬲到震，但我自己其实一向好钟意食fusion pizza，咩三杯鸡pizza、榴梿pizza、泡菜猪肉pizza，我都食过，而且仲几钟意食添！
呢度嘅pizza统一都系十吋薄批，无一般好厚好多芝士嘅crust，系我最钟意嘅脆脆口感！Pizza dough上铺满拆丝烤鸭肉，洒上食片皮鸭常见嘅配菜—青瓜条同京葱。令整道菜锦上添花嘅系佢嘅秘制酱汁，还原片皮鸭酱汁嘅味道，同时为pizza适当调味。主角鸭肉以外，仲加入香醇嘅芝士，足料非常。由呢个pizza睇得到厨师嘅用心，貌似玩味大伏嘅菜式，原来食落好夹好好味，刻意制造记忆点，令我哋留下好深刻嘅印象。
[价钱 Price]
💰$58
今日咩心情？_？
开心果提拉米苏 ☕️
一心打算叫一份waffles嚟食，但发现想食嘅培茶同紫薯口味当日都未有供应，所以决定问店员：「今日咩心情？」原来今日心情好开心，仲有double嘅开心，所以推咗两款开心果口味嘅甜品，开正我𠮶瓣！
识我嘅都知，我食亲cafe或西式餐厅，可以唔叫饮品，甚至唔叫main，但如果唔叫返件甜品，就会周身唔聚财！目前我最爱嘅甜品系tiramisu，第二系cheesecake，同分嘅仲有拿破仑。听到两款都系用开心果整嘅甜品，更加系失去理性，无论如何都想食晒两款！
Tiramisu份量都唔细，开心果味唔算浓郁，反而有好香嘅咖啡味同酒味，比例大概系2：8（开心果：咖啡同酒），口感丰厚，但食落无太大负担，不知不觉食晒成件！
[价钱 Price]
💰$58
今日咩心情？_？
开心果巴斯克芝士蛋糕 🍰
比tiramisu更出色嘅系开心果basque cheesecake，用眼就睇得出呢种开心果独有嘅绿色，同食开实定定嘅basque有好大分别。呢款甜品嘅开心果味出好多，同软滑醇香嘅芝士相辅相成，蛋糕面burnt得好靓，倒埋cream喺上面，成件艺术品咁。
[价钱 Price]
💰$58
豆浆加豆腐加豆腐雪糕加芝麻沙冰 🍧
三大豆类再加上芝麻，配搭新颖有趣。沙冰有清新嘅豆香，亦不失芝麻香味，加上用怀旧风嘅玻璃杯装住，好睇又好味。
张贴
