影片
更多
2018-10-18
933 浏览
趁今日放假，又同老婆喺apps 揾好嘢食。揾到間有五折食鐵板燒，上openrice 睇吓食評，見到好評如潮，一於去馬。嘉門正坐落於老銅黃金地段嘅V-Point, 地點唔難揾，仲要係幾乎上到頂樓嘅樓層，一出升降機，果種氣派，撲鼻而黎，Reception 笑容親切，態度友善，我同佢講，已經訂枱，佢望一望我手機個訂位圖片，就即時安排入座，一入到去，第一時間係覺得好靚，前面係全個海景盡收眼底，太美麗。坐低揀嘢食，見menu有午市商務套餐，都算多嘢食，同老婆一人揀一個餐，我食豬佢食牛，另外再加左三件廚師發辦壽司。好快就上第一度菜沙律，酸汁配沙律菜，幾清新。再黎係茶碗蒸，好幼滑，好似食豆腐花咁。跟住係每人三件壽司，呢三粒係另加錢，原價108。分別有秋鮭，大池魚同埋甜蝦，三款都尚算可以。再黎係菊花煙燻北海道帆立貝，個名好似好勁，但真係食唔到有煙燻嘅香，而帆立貝係見師傅喺雪櫃攞出黎嘅急凍帆立貝，味道總算可以。我個餐跟嘅係日本珍珠蠔伴雪國舞茸，故名思義，主角一定係珍珠蠔，蠔好食，好夠味，而老婆個餐係跟大蜆清酒煮，呢味菜睇名梗係食蜆喇，但我反而覺得啲清酒好正，而大蜆就並唔係好大，仲只係得幾隻，老婆即時話總
嘉門正坐落於老銅黃金地段嘅V-Point, 地點唔難揾，仲要係幾乎上到頂樓嘅樓層，一出升降機，果種氣派，撲鼻而黎，Reception 笑容親切，態度友善，我同佢講，已經訂枱，佢望一望我手機個訂位圖片，就即時安排入座，一入到去，第一時間係覺得好靚，前面係全個海景盡收眼底，太美麗。
坐低揀嘢食，見menu有午市商務套餐，都算多嘢食，同老婆一人揀一個餐，我食豬佢食牛，另外再加左三件廚師發辦壽司。
好快就上第一度菜沙律，酸汁配沙律菜，幾清新。再黎係茶碗蒸，好幼滑，好似食豆腐花咁。
跟住係每人三件壽司，呢三粒係另加錢，原價108。分別有秋鮭，大池魚同埋甜蝦，三款都尚算可以。
再黎係菊花煙燻北海道帆立貝，個名好似好勁，但真係食唔到有煙燻嘅香，而帆立貝係見師傅喺雪櫃攞出黎嘅急凍帆立貝，味道總算可以。
我個餐跟嘅係日本珍珠蠔伴雪國舞茸，故名思義，主角一定係珍珠蠔，蠔好食，好夠味，而老婆個餐係跟大蜆清酒煮，呢味菜睇名梗係食蜆喇，但我反而覺得啲清酒好正，而大蜆就並唔係好大，仲只係得幾隻，老婆即時話總之同我一樣食蠔。
主菜登場，我揀嘅係日本豬肉薄燒卷伴温室野菜，一句講哂好食，唔講甚麼juice咬口，通通唔識分，總之就好味，伴少少海鹽一齊入口，一流。温室野菜只有一樣銀芽，都好好味。而老婆揀嘅主菜係美國牛肉薄燒伴温室野菜，塊牛肉真係好薄，但好好味。
再黎係熱烏冬，老婆就食炒飯，都係好好味。
最後食埋甜品有雪糕🍦
總括黎講，環境靚，侍應有禮貌，食物水準高，夠喇！呢餐午餐真係好滿足。
13 浏览
0 赞好
0 留言
张贴
