Aroma Truffle (已結業)

新冠肺炎持续，无得去旅行就梗系架啦，但系咁系咪代表我地唔可以食来自世界各地嘅食物呢？是日放工后约左朋友去铜锣湾希慎广场食饭，食完饭经过Aroma Truffle，朋友表示好好味，叫我试下，咁我就买左一包原味同一包芝士味返屋企啦。薯片一包都有成100g，都算几大包，最吸引嘅系佢嘅 zip袋设计，食完可以拍返埋，咁就可以分开好多次慢慢食又唔怕变腍啦。剪开包装袋后，香浓嘅黑松露香味立即涌出来，薯片呈波浪形状，有返咁上下厚度，食落好香脆，薯味亦都好出。至于芝士味亦系另一番风味，食落咸香味浓，又唔会盖过黑松露嘅味道。两包薯片拎返屋企后，好快就俾我地KO左啦，下次要试埋其他味道呀。