賣撻

营业中

休息中

细妹生日就当然要嚟个小庆祝，已经食厌左𠮶几间大型连锁店嘅款式，所以就上网搜寻下有冇啲高质又啱打卡嘅靓靓蛋糕。终于经朋友介绍，揾到间特色小店，见到佢个 坚果の后•焦糖夏威夷果仁挞 好吸引，刚好我又要去沙田处理文件，所以就订返个同细妹庆祝。店舖系石门地铁站行过去大几三分钟左右都好方便。除左预单左嘅焦糖夏威夷果仁挞之外，我作为一个开心果控见到个迷你开心果挞都忍唔到手，买多左个嚟自私食。外送仲会有个好型格嘅红白蓝保温袋，入面仲放左个冻种，贴心度真系要大力加分呀！单睇 焦糖夏威夷果仁挞外型都已经系打卡-able，食落就更加心心眼，挞都好有层次，先系面层舖满滑滑超香嘅岩盐焦糖忌廉，入面仲有超浓郁果仁、粒粒吉士、海绵蛋糕再加香脆嘅挞壳，个个都大赞好味有惊喜。而我自私食嘅迷你开心果挞都一样有好，同埋有岩盐焦糖忌廉之外，仲有开心果忌廉、开心果吉士同埋开心果海绵蛋糕，绝对系啱晒我口味，大爱呀！