樂意點心

营业中

休息中

和妈咪出尖沙咀isquare shopping， 大约六点黎到呢间地舖嘅餐厅，好开心有卡位坐。🥣云腿鸡脚炖花胶 一揭开盅盖就见到大大块嘅花胶😍，真系即刻心心眼，个汤好清，零油腻感，炖得好入味，必点之选。🐔蟹柳棉花鸡 有蟹柳、冬菇、鱼肚和鸡，鸡肉肉质嫩滑，鱼肚就索晒所有食物嘅味道。🦐原只鲜虾肠粉 滑捋捋嘅肠粉，包住爽口弹牙嘅鲜虾。🍚笼仔蒜蓉豉椒鱼柳饭 用上小小辣椒，多多蒜蓉豆豉铺面，还有用荷叶包住成个饭，每一口饭粒都充满住荷叶和鱼肉嘅鲜味。🍮枣皇糕/3件 呢个一定要趁热食，食完之后个人好䁔笠笠，热食嘅甜品。🍪芋蓉煎堆仔/3件呢个超好食！ 脆卜卜嘅香脆芝麻外层，煎堆里面充满著软绵芋蓉，细细件一啲都唔滞。有别于一般食点心嘅印象，原来食点心唔一定要去茶楼，亦唔一定只有匆匆忙忙嘅外卖点心店。呢度就原全做得到，坐得舒适，而且抵食高质点心享受。