滿屋日本料理 (大鴻輝(荃灣)中心) (已結業)

好耐无食过放题，今日有时间心血来潮就去左食啦！可能太耐无食，追唔上潮流，呢度野食种类超多，超吸引！有啲食物第二啲放题都系无既，例如松叶蟹、大拖、鹅肝等！食多几件都翻晒本！！鹅肝！好creamy!!用牛油煎到好香，外皮好脆，内里滑流！超好食！我叫左两碟，自己一个人食晒估唔到有龙虾仔食少少麻辣味，唔算太辣，食落好野味！肉质实同好肉！食到啜晒手指！松叶蟹唔洗好似酒店buffet 甘要同人争，要几多有几多！好大只，只脚好肥美！多肉，够新鲜，可以原条肉起，唔会烂晒！超正！大拖！可以叫刺身或寿司！不论点叫，件大拖都系甘正！如图所见，好肥美，可以任叫，真系一大享受！刺身好新鲜！无腥味，肉质爽口清甜！好味！火炙广岛蚝寿司蚝好大只，又肥美！咬落去啲肉同汁爆晒出黎！好creamy ，成口都系蚝，好好味，一级享受！黑椒牛柳刚炒起，牛柳好淋，配埋黑椒同蒜蓉去炒，好夹，好好食！每人可以叫多杯贵啲既雪糕雪柜有其他口味任食！自助区仲有沙律、熟食同甜品，食到你饱！超满足，食到好饱，会再黎食过！