影片
更多
2020-10-08
48 浏览
🍴辣椒杂菌意粉 HK$88意粉望落由酱汁乃至配料都相当丰富，单从卖相已经觉得充满滋味。平时食开有肉意粉，呢碟无肉嘅都系第一次试，虽然缺少肉类鲜味，但食落一d都唔寡，全靠用料新鲜同埋调味配搭得宜，酸酸甜甜嘅杂茄配上少少辣椒吊味，加上杂菌嘅独特香气，味道非常丰盛，意粉亦系al dente，食完想再食多碟。🍴豆腐英雄配薯条 HK$138吉列豆腐扒每日人手制作，将豆腐、洋葱、芝士、黑松露、鸡髀菇打成一片。吉列皮够脆，切开系半流心状态嘅豆腐馅，豆腐本身味道偏淡，渗出阵阵黑松露幽香，而面头腌过嘅紫椰菜酸酸地，直头唤醒左成件豆腐扒，呢个配搭妙极。🍴冻士多啤梨荔枝茶（跟餐）淡淡果香清一清味蕾。📍素菲亚西环爹核士街28-32号安发大厦地下C号舖
🍴辣椒杂菌意粉 HK$88
意粉望落由酱汁乃至配料都相当丰富，单从卖相已经觉得充满滋味。平时食开有肉意粉，呢碟无肉嘅都系第一次试，虽然缺少肉类鲜味，但食落一d都唔寡，全靠用料新鲜同埋调味配搭得宜，酸酸甜甜嘅杂茄配上少少辣椒吊味，加上杂菌嘅独特香气，味道非常丰盛，意粉亦系al dente，食完想再食多碟。
🍴豆腐英雄配薯条 HK$138
吉列豆腐扒每日人手制作，将豆腐、洋葱、芝士、黑松露、鸡髀菇打成一片。吉列皮够脆，切开系半流心状态嘅豆腐馅，豆腐本身味道偏淡，渗出阵阵黑松露幽香，而面头腌过嘅紫椰菜酸酸地，直头唤醒左成件豆腐扒，呢个配搭妙极。
🍴冻士多啤梨荔枝茶（跟餐）
淡淡果香清一清味蕾。
📍素菲亚
西环爹核士街28-32号安发大厦地下C号舖
张贴
