大呷台灣 (已結業)

去大馆参观前，揾间餐厅食左野先。见到有间台湾菜下午茶几抵就决定试下锅烧三杯鸡三杯鸡指那一杯麻油，一杯酒，一杯酱油，三杯加埋一齐煮鸡，另一个特点就系一定要加九层塔！呢度既三杯鸡够哂正宗，鸡肉热辣辣上台，店员再轻轻炒几下，香气四溢！鸡肉吃起上黎甜甜地，又有麻油既香味，配埋九层塔浓郁既特殊香气一齐食，味道层次非常丰富！香菇肉丝炒水莲水莲系台湾常见既蔬菜，但喺香港就好少见！水莲食落有淡淡既莲花香，口感爽脆，加埋肉丝同香菇一齐炒可以去除草青味。估唔到喺香港都可以食到咁有特色既台湾菜。红烧双盛牛肉面配三杯鱿鱼烧牛肉面系台湾食品中我最钟意食既野食之一！好食既牛肉面，汤底系非常重要，呢度既牛肉面汤底清甜，唔会太咸。另外，牛肉面既面质非常好，粗幼适中，食落有少少弹牙，唔会太淋。而双盛牛肉都就有牛筋同牛展，两样都非常入味。大呷香酥猪扒配肉燥饭香酥猪扒非常出色，炸浆做得够薄够香脆，猪扒肉汁丰富。肉燥饭都几大碗，肉燥份量亦都足够，肉燥系偏向瘦肉较多，唔会太肥腻，个汁都唔会油淋淋。大呷小笼包（4粒）小笼包下午茶时段特价$18有4只超抵！小笼包即叫即蒸，热辣辣上台。小笼包超多汁，一啖咬落去爆哂啲汁，超正！