家常麵

营业中

休息中

每逢屋企附近有新餐厅开，我屋企人都会叫我一齐去试下。呢个位新开左间食上海菜既小店。环境都几舒服，而且职员有礼亲切，好详细咁推介餐厅既食物。食物质素都好唔错，小店质素黎讲十分惊叹。😎✅招牌冷面 $45叫得做“招牌”都对佢有期望，而佢完全符合到我既期望。面质好弹牙，非常滑。配上小小既肉丝，肉质爽口。另外再加上餐厅自制既招牌，辣酱成个配搭非常好！✅炸云吞 $30呢个炸云吞系必食推介！皮炸到好脆，再配上个泰式鸡酱，真系好夹，食多几碟都唔会厌。肉方面都份量大，而且都好Juicy。推介！✅花生酱拌饺子8只 $38花生酱拌饺子听落几特别，就叫左黎试。花生酱好香滑，估唔到配上饺子都几好食。不过佢最优胜系饺子本身，真系超高质，佢系全人手自己包，馅料好足而且好好食，个皮就做到好滑，真系高质之作！✅蒜泥白肉 $45平时出面食开果d超油，呢间就唔会觉得油，但一样食到佢果种肥美既味道，唔错。✅豆浆 $8好滑，豆味都好充足。