影片
更多
2021-05-23
3209 浏览
《香港黄埔/铜锣湾·名馆》平日lunch time都食过名馆，知道佢地点心质素都唔错。最近留意到佢有下午茶点心放题（14:00-17:00），所以放假即刻带埋屋企人去试！名店有两间分店，我就去开黄埔个间。我怕要等位所以早咗10分钟到，但冇咩人等位所以我地2点正就入座。任食既点心纸款式冇正价点心纸多，但有重点会叫既点心又有小食同粉面饭，我觉得都够丰富！图x为点心纸选项（咁抵既价钱有咁既质素仲要求咁多咩）点心推介：1. 黑金流沙包：必食！小心爆浆！系我食过最好食既流沙包2. 鹌鹑蛋烧卖：好足料，大大啖虾肉猪肉同鹌鹑蛋3. 虾饺皇：又系好足料，真系食几笼都回咗本4. 鲜虾春卷：即炸，好脆！5. 潮州蒸粉果：我本身唔系超好潮州粉果但都觉得好好食，而且卖相精致，唔中意食都可以打个卡俾隔离个个食😘6. 生煎莲藕饼：唔系间间酒楼有，而且食到粒粒莲藕粒，叫啦！7. 京川滑饺子：叫啦！冇蚀抵8. 姜汁千层糕：每次去饮茶都会点，蒸得岩岩好，够晒烟韧小食/粉面饭推介：1. 泡椒鱼皮丝：捞咗花椒油，有小小辣，超级爽口，同埋而家已经好少地方有得食，叫啦！2. 镇江水晶肴肉：正常发挥但好食既3. 凉拌青瓜/淮山/
平日lunch time都食过名馆，知道佢地点心质素都唔错。最近留意到佢有下午茶点心放题（14:00-17:00），所以放假即刻带埋屋企人去试！
名店有两间分店，我就去开黄埔个间。我怕要等位所以早咗10分钟到，但冇咩人等位所以我地2点正就入座。
任食既点心纸款式冇正价点心纸多，但有重点会叫既点心又有小食同粉面饭，我觉得都够丰富！图x为点心纸选项（咁抵既价钱有咁既质素仲要求咁多咩）
点心推介：
1. 黑金流沙包：必食！小心爆浆！系我食过最好食既流沙包
2. 鹌鹑蛋烧卖：好足料，大大啖虾肉猪肉同鹌鹑蛋
3. 虾饺皇：又系好足料，真系食几笼都回咗本
4. 鲜虾春卷：即炸，好脆！
5. 潮州蒸粉果：我本身唔系超好潮州粉果但都觉得好好食，而且卖相精致，唔中意食都可以打个卡俾隔离个个食😘
6. 生煎莲藕饼：唔系间间酒楼有，而且食到粒粒莲藕粒，叫啦！
7. 京川滑饺子：叫啦！冇蚀抵
8. 姜汁千层糕：每次去饮茶都会点，蒸得岩岩好，够晒烟韧
小食/粉面饭推介：
1. 泡椒鱼皮丝：捞咗花椒油，有小小辣，超级爽口，同埋而家已经好少地方有得食，叫啦！
2. 镇江水晶肴肉：正常发挥但好食既
3. 凉拌青瓜/淮山/猫耳朵：叫啦！食多d瓜菜啦后生仔！
4. 香菇鸡粒炒饭：即叫即炒，好有获气！而且每粒饭都炒得够干身，好食！
5. 唯一唔推介系米线
价钱又好抵，入座计90分钟（14:00-17:00）
星期一至五：$98
星期六日：$138
另外加$5茶位
（我见推广写五月优惠，唔知六月仲有冇，想试就快手啦）
全部点心即叫即蒸！新鲜滚热辣！
（利申，未食过铜锣湾个间唔知咩环境）
放假想睡到三点，除咗去排队排到傻既深水埗cafe，不妨试下饮茶啦！
后生仔同长辈去饮下茶食个包啦！
张贴
