大灰熊廚房 (裝修中)

呢晚去开将南，二访呢间口啤唔错嘅中菜，餐牌选择好多，提供嘅小菜款式真系唔少。我哋两个人点咗「黄金豆腐」、「拔丝咕噜肉」同「时菜炒牛肉」，仲有「粟米豆腐羮」。黄金豆腐 - 净系卖相已经一流，炸得香脆，豆腐则软滑，外脆内软，好味。拔丝咕噜肉 - 份量多，咕噜肉好香脆入味，糖醋汁做得好正。牛肉炒时菜- 同样足料之余，牛肉好够味，配埋菜心，送饭食啱晒。粟米豆腐羮 - 好耐冇食过，充满怀旧嘅味道，足料好味。二人餐嘅分量十足，价钱$228，呢个食物质素同超多款式选择，性价比高。食饭期间都见有好多Food Panda 外卖单，证明相当受附近街坊欢迎。