紅花匯

营业中

休息中

当你以为呢度只系一般酒楼菜式，就大错特错。呢度啲师傅原来全部都系名厨出身，所以呢碟菜除咗味道好味，仲要外表都精致。可谓「色香味俱全」，有啲𩠌仲好IG-able，又睇得又食得真系越嚟越罕有，太多煮嘢好食嘅师傅都移哂民，真系卖少见少，好好珍惜🥹🥹🥹火烧九层塔（梅菜扣肉） — 呢碟就系打得又睇得，你见到佢每一层嘅比例整得几咁完美，仲要着埋火呢下够惊艳，现场睇真系好震撼，每一个都会「哗！」，每一个都会攞住电话拍低，每一个都会大赞！就算你几咁怕肥，都真系一定要试，你冇谂过啲肉可以整得咁腍咁好食咁入味 。酸菜鱼 — 啲鱼又滑又厚身，啖啖肉！个汤浓得来又唔会太辣，而入口又好饮 。连唔系好钟意食鱼嘅我都忍唔住夹多两嚿，因为真系好滑好好食，一啲都唔腥！！你净系睇相嘅色水就知道唔会差得去边 。烧鸡拼青瓜手撕鸡 — 呢碟简直食到停唔到，你睇啲烧鸡皮几咁香口脆香，啲手撕鸡肉又嫩滑，再配埋青瓜嘅爽口，呢一碟简直系一定会识到你停唔到。