功德林上海素食 (Sugar+)

营业中

休息中

平时食得油腻，又食冇定时，所以决定去食下斋清下肠胃。不过唔想去啲传统店舖度食，感觉了无新意，所以就揾喺铜锣湾chill chill地嘅新式斋菜，功德林上海素食。入到店舖，我地被带到坐窗边位置，个景超靓，尝心悦目。我地叫咗脆皮素鹅 $90，咕噜肉 $128，芙蓉炒桂花翅 $128同埋原桶豆腐花 $48。✨脆皮素鹅 $90素鹅卖相超好，唔讲真系唔觉得系斋。咬落唔油同埋几脆口，而且非常足料，件数都唔少。✨ 咕噜肉 $128跟住黎个咕噜肉，味道甜酸适中，新鲜菠萝非常鲜甜，食落去系一度非常开胃既小菜。咕噜肉口感都好似平时系酒楼食开个啲，感觉好正，同时冇咗肉腻感，更加清爽冇负担。✨芙蓉炒桂花翅 $128至于个桂花翅，卖相高贵，蛋白炒得结实滑溜，味道清清地，唔错。✨ 原桶豆腐花 $48原桶豆腐花非常嫩滑，值得一提就系佢既桂花糖水，食落去有种脱俗既感觉。