八方庭

营业中

休息中

屯门呢间酒楼装修几好，几好坐，真系几舒服，同屋企人黎就岩晒啦！我地先食两个小食，川辣口水鸡同埋川椒猪手，口水鸡麻麻辣辣，鸡皮好滑嫩，鸡肉都好腍，好入味；猪手就煮得岩岩好，好弹牙爽口，蒜味香浓，亦有适量辣味，非常开胃！主食之后到啦，先黎翡翠炒龙趸球，龙趸好大旧，肉质好结实，口感好好，好鲜味，炒到外面有啲焦香，伴碟既西兰花都好青脆呀，鲜味呀！另一个系川味水煮牛肉，牛肉好多，块块厚薄适中，又嫩又腍，用佐好多辣椒，辣味满满，好麻好辣，浓香十足！最后一个主菜系污糟龙趸蒸鸡，龙趸肉都系厚实既，龙趸有啲蒜蓉去蒸，充满蒸香，龙趸都好肥美，鱼油渗晒出黎，滑鸡既鸡肉充好滑嫩，用佐红枣姜葱去蒸，特别惹味！