新竹園軒

营业中

休息中

椒盐富贵虾🦐呢个系濑尿虾，好大只，手掌咁大只，虾肉好鲜嫩，仲有虾膏添，椒盐盖满濑尿虾，食到虾膏添，香浓惹味！椒盐鲜鱿🦑鲜鱿好弹牙，好咸香，鲜鱿既咸鲜味同椒盐好夹，被椒盐带出鲜鱿既咸香，鲜鱿爽弹鲜嫩，一条条鱿鱼身鱿鱼须好惹味好有口感！金针云耳蒸鸡🐣鸡肉蒸完都唔会鞋口，仲系嫩滑既，仲有啲肉汁，鸡肉好鲜好香，亦都吸收晒汁既香味，云耳同金针都好吸汁，味道好浓，送饭就岩晒啦！咸鱼蓉煎肉饼🐷煎肉饼笔嬲都好食既，肉饼用半肥瘦猪肉，更加滑身，猪肉本身有腌过已经好香，加埋咸鱼既咸香，味道更突出更浓烈，煎到表面香脆，非常惹味！