御名園 (已結業)

将军澳天晋有间中菜，今晚终于同屋企人嚟咗试下。环境唔错，一家人嚟就啱晒。食饭选择都好多炖汤都好吸引㖞。圣子（$42/只）- 呢个金蒜银丝蒸嘅圣子真系好惹味，蒜香好浓郁，啲粉丝索晒啲蒜味好入味。而圣子都好鲜甜弹牙，一啲过韧嘅感觉都无。金滔海皇西施泡饭（$118）- 食咗咁多海鲜，点都要食番啲主食先够饱嘛。呢个泡饭份量十足，四至五个人食都得。个汤都好足料，最钟意落埋脆米脆卜卜咁够香口，可惜我觉得个汤底咸咗少少。桃胶西施杏仁茶（$28）- 最后食返个糖水先够完美。呢个杏仁茶嘅杏仁味好香，又唔算甜。仲有好多蛋白同桃胶，食完都觉得美颜。