影片
更多
2016-04-27
456 浏览
上星期有D开心事庆祝所以就同屋企人出左去食饭喇天文台道有新既商厦开左入面仲有好多新餐厅，所以就去左试下喇景逸轩系红磡都有一间当晚食饭果时讲起其实家姐就系o系红磡果间摆酒因为尖沙咀店真系好新，同埋配合大家摆酒用装修都比较高雅同grand配埋落地长窗，虽然无海景睇，不过个感觉都好开扬除左正常menu外，都仲有推介menu同埋套餐其实套餐都几抵食，$200一位有汤有鱼仲有翅如果唔想谂叫咩菜，都可以试下足料老火靓汤 $138黎之前听人讲过呢到d汤几正点知menu睇黎睇去都揾唔到有汤所以就问下店员，呀姐好爽快就话有汤呀因为老火汤日日唔同，当晚我地饮既系日本南瓜煲鸡正系睇碟汤料都feel到佢地既诚意汤料切好仲要砌埋咁上枱，好有heart日本南瓜食落爽爽地，有少少似合掌瓜但系就再甜d，同平时食到既好唔同个汤推出黎果时仲系热辣辣 (你睇下张相d烟)味道好好，好甜，一d味精味都无好有住家汤既感觉最正既系，我地4个人去，每个人可以饮到2碗几而呢煲野竟然只系收$138其实自己买料煲都唔只呢个价黎呢到食饭记得一定一定要叫个汤脆皮素鹅 $48对腐皮食品无咩抵抗力虽然佢个馅有好多料不过腐皮太薄同唔够脆，都有d失望
所以就同屋企人出左去食饭喇
天文台道有新既商厦开左
入面仲有好多新餐厅，所以就去左试下喇
景逸轩系红磡都有一间当晚食饭果时讲起其实家姐就系o系红磡果间摆酒
因为尖沙咀店真系好新，同埋配合大家摆酒用
装修都比较高雅同grand
配埋落地长窗，虽然无海景睇，不过个感觉都好开扬
除左正常menu外，都仲有推介menu同埋套餐其实套餐都几抵食，$200一位有汤有鱼仲有翅
如果唔想谂叫咩菜，都可以试下
足料老火靓汤 $138黎之前听人讲过呢到d汤几正
点知menu睇黎睇去都揾唔到有汤
所以就问下店员，呀姐好爽快就话有汤呀
因为老火汤日日唔同，当晚我地饮既系日本南瓜煲鸡
正系睇碟汤料都feel到佢地既诚意汤料切好仲要砌埋咁上枱，好有heart
日本南瓜食落爽爽地，有少少似合掌瓜
但系就再甜d，同平时食到既好唔同
个汤推出黎果时仲系热辣辣 (你睇下张相d烟)味道好好，好甜，一d味精味都无
好有住家汤既感觉
最正既系，我地4个人去，每个人可以饮到2碗几
而呢煲野竟然只系收$138
其实自己买料煲都唔只呢个价
黎呢到食饭记得一定一定要叫个汤
脆皮素鹅 $48对腐皮食品无咩抵抗力
虽然佢个馅有好多料
不过腐皮太薄同唔够脆，都有d失望
鲜果拔丝黑豚肉 $88本来挣扎紧叫唔叫咕噜肉
之后见到menu有呢个，就决定试下
第一时间梗系要试下系咪可以拔到丝先
果然系可以既，而且糖既比例好好，唔会太多，又唔会太少
系岩岩好够裹住件肉
黑豚肉食落仲有惊喜，肉质爽中带腍
个质地有少少似猪颈肉，但又再腍d
而且一d都唔油腻，必食推介!
虫草花野菌蒸比目鱼 $128鱼扒厚肉而且得条主骨
就算老人家/小朋友都一定食到
鱼肉嫩滑带少少鱼油既香味，好食
除左条鱼，配角野菌都好好食
野菌片片都好厚肉同本身有调味
食落又滑又香又鲜，好食到唔知点形容
浓汤桃胶浸菜心 $88桃胶即系桃树既天然分泌物
系呢一两年既新兴健康食品，功用有D似雪耳
都系有好多植物胶原，有养颜既作用
之前都有食过桃胶糖水，其实桃胶本身就无咩味道
所以呢到用浓汤黎煮，系好适合既做法
虽然主角只系好普通既菜心，但而家加左汤，桃胶同埋竹笙
就令成件事唔同哂喇，配搭得好好
羊肚菌百合鲜准山 $98鲜准山同荷兰豆够爽脆
百合新鲜又带少少甜味
唔单止卖相好吸引，味道都一样都好清新
美中不足既系羊肚菌可能比较吸味，所以咸左少少
围村蒸滑鸡 $88鸡肉唔单止有少少荷叶香
仲有d腊肠既香味
出面d滑鸡多数都食到成口油
但呢到油既量系可以接受
而且每件鸡都好滑
我唔知围村系咪真系咁蒸鸡
不过我以后一定会偷师试下咁煮
杞子桂花糕 $25桂花糕用个心心碟装住，又几有心思
不过唔系好够甜同桂花香，质素一般般
原个椰皇炖鲜奶 $28因为系即叫即炖，所以都要等成30分钟
建议可以食饭食到一半就order定
鲜奶加埋梛青水一齐炖
食落够滑而且甜味比较清新，正
呢到既食物唔单止著重味道摆碟同埋食物既配搭都睇得出系有花心思
另外要赞既就系服务，每个员工都好有礼貌
而且全部员工既仪容都好整齐
制服好直，女员工仲会化淡妆
虽然出去食饭，好食先系最紧要
但如果一间餐厅连呢d咁仔细既位都顾及到
你就可以知道佢地唔系乱黎，系有用心去谂每一个细节
其实系呢个区，呢个地段，价钱真系好合理
如果你想揾个舒服，有质素既地方食下中菜
小公主真心推荐你黎呢到试一试。
张贴
