逸軒

营业中

休息中

食得是福，所以有时食豪小小都无咩所谓，但最紧要好食。依间中菜厅真系道道菜都好好味，摆盘又好有心思，真系色香味俱全呀！黄扒花胶鱼翅：块花胶实在太厚啦，成片骨胶原食落肚咁，黏住晒个嘴，浓汤再配鱼翅，实在太好味啦！泡椒星班：睇就好辣，但食落其实唔太辣，鱼肉好厚身仲煮得好嫩滑，入口啖啖肉。枣蓉恐龙：依款甜品好得意，恐龙样加咸水角皮，但拼咗枣蓉馅料，甜度刚刚好。士多啤梨糯米糍拼生果：糯米糍皮非常烟韧，估计加咗士多啤梨汁做块皮，所以生果味特别浓，仲可食到真士多啤梨肉，感觉好清新。