滿樂中菜 (已結業)

第一次嚟戏曲中心，原来入边有餐厅，仲有间几高质既中菜！装修靓，环境清静，啲碗碟又干净，好岩同家人黎食。夜晚叫左几样𩠌，每碟份量大，每款都足料，有诚意。蜜汁叉烧，厚切而且肉好嫩，食落去啖啖肉，好juicy，一啲都唔干，味道调得几好，甜甜地又唔会过咸，值得嗌！海皇羹清清地又有鲜味，有虾，韭黄，几好咬口。鸳鸯胡椒局中虾，呢个菜几特别，用咗大量胡椒，香味十足！虾大只又新鲜，配埋啲汁几夹。金瓜炒米粉，好足料，每啖都有𩠌，有虾，虾米，南瓜，椰菜，肉丝。最后仲叫左咖啡糕做甜品，味道清新，有咖啡味得黎又唔会死甜同好漏。