禮記 (已結業)

☆ 礼记将军澳唐俊街23号MONTEREY Place地下G19号舖✦ 银芽肉丝脆面一上枱真系好兴奋，不停系咁帮佢影相，真系实在太有趣啦，平时平平无奇嘅肉丝炒面，而家反晒地心吸力咁凌空系到，唔影多几张相打卡真系对唔住自己。影完店员会帮手剪开面条，十分细心。(最尾有片)好！讲返味道先，面质好脆好香口，淋多d汁就会软身d，随个人喜好调节，铁板好够热，食到尾都仲系好热，好正！✦ 特色三小碟• 木鱼花皮蛋豆腐好清新，加埋佢个汁一齐食好味。• 话梅南瓜呢个正呀！酸酸甜甜，南瓜好入味，系好开胃嘅前菜。• 凉拌双木耳辣辣地，木耳好爽口，好食！✦ 鸿运脆皮鸡我平时食鸡系唔食皮嘅，但系就系呢只鸡我会肯食皮，因为真系好脆同埋无多余肥膏，然后肉又滑，真系好好味(〃ω〃)✦ 瑰荔堂煌坐低无耐店员就比住壶茶我地先，倒出黎已经觉得好，饮落好有玫瑰味，但又无抢左茶味，亦都无涩嘅感觉，好饮！餐厅装修几靓，一路播住纯音乐好舒服，服务都好好，系质素高嘅中餐厅。