Mo Mo Kushiage (已結業)

朋友最近升咗职，话请食饭，当然要拣间靓餐厅啦🤣见依间餐厅都多人推介，就book咗依间试试。入到黎餐厅好有简约日本居酒屋feel，好适合同朋友靓静地倾偈、食饭嘅地方。前菜方面，我哋嗌左一个烧鳕鱼干。个鳕鱼干真系好出色，烧到又香又脆，又冇腥味，用嚟送酒真系一流👍🏻👍🏻👍🏻我哋仲嗌左一个苦瓜刺身沙律做前菜。苦瓜唔算好苦，味道甘甘地、清新，本身我唔系钟意食苦瓜嘅我，都接受到。加上知道要食串扬，食定苦瓜清热气就啱啱好🤣五点刺身拼盘五款刺身都系我嘅最爱❤️ 刺身都好新鲜，食落去好鲜甜。带子、三文鱼好肥美，虾有好多膏🤤松叶蟹脚肉质嫩滑弹牙。开始食今日嘅主角：串扬！咁啱我哋坐喺bar 台附近，见到佢哋啲串扬都系即叫即整，唔会预先整定放系度。所以啲串扬一送到埋黎，都系好热好脆。日本鳝鱼（左上）：烧到好香，外脆内嫩滑，无鱼骨。鲱鱼子昆布（左下）：冇腥味，食落口感好饱满，昆布味淡。芦笋（右下）：好脆，好清甜，食返啲蔬菜好似健康啲😂炸鸡翼：外皮炸得好香脆，夹埋外面啲白芝麻，食落去更加香口。里面啲鸡肉仍然嫩滑，唔会好干，调味啱啱好。虾肉酿苦瓜（左）：又系为咗清热，又叫咗苦瓜黎食🙈 不过酿咗虾肉落去，食落去冇咁斋。