囍串

营业中

休息中

今日同朋友去happy hour之前食少少嘢，咁啱喺元朗呢一区有嘢做，就同佢喺附近揾吓有冇一啲比较轻盈嘅嘢食，就拣咗呢一间，位置嚟讲都算方便，嘢食质素嚟讲都几好！🍢家乡炒米粉，嚟到嘅份量都非常多，呢个价钱嚟讲都算大碟，而且非常足料。米粉嚟讲炒得非常干身，而且加埋配菜，令到成个米粉嘅口感更加升华，我同朋友都非常钟意食呢个米粉，热辣辣，绝对唔系出边𠮶啲预先整好，而且唔会太油腻，调味方便我觉得亦都适中，真系做得唔错🍢鸡蛋肠粉，佢嘅肠粉系即叫即做，亦都系热辣辣，系怀旧嘅味道，非常滑，CP值高，钟意食肠粉嘅朋友唔好错过！🍢当然要试吓佢嘅串烧，我哋叫咗几款唔同嘅串烧，首先嚟到嘅有四季豆，四季豆加埋本身嘅调味非常好食，好香口，而且价钱嚟讲都唔算太贵，另外牛筋丸都非常爽口弹牙，充满牛肉嘅味道，辣辣地几好食，我同朋友都非常钟意，烧五花腩都系其中一个比较出色嘅串烧，肥瘦平均，唔会话食落去又好油腻嘅感觉，反而咬落去有少少适当油香，$20我又觉得非常合理，唔算太贵。鸡全翼亦都好香，𠮶边做得非常香，一啖咬落去，非常钟意呢个味道，虎皮尖椒就辣辣地，亦都非常开胃，串烧嚟讲呢一间餐厅都做得几出色！最后加多杯珍宝柠檬茶