川燒 (已結業)

老公之前同朋友已经试过呢间串烧店，所以今次专登同我嚟呢度食好西～一嚟到睇个menu已经有超多唔同种类嘅串烧同热食可以拣，除咗有一般嘅串烧，仲有好多自创独家嘅菜式！🥢甲罗烧并多士😋一般嘅甲罗烧就系将蟹肉，蟹子捞埋一齐烧，不过呢度嘅甲罗烧系将捞埋嘅蟹料连多士一齐食，令到蟹肉嘅鲜味更突出同埋口感更丰富🥢烧法式鹅肝多士😋真系无谂过会喺一间串烧餐厅食到咁高质嘅鹅肝，煎香嘅鹅肝唔单止大块又juicy，加埋秘制酱汁，搞到我哋点完再点！🥢烧豚肉生菜卷😋呢个菜真系超推介～嫩滑多汁嘅豚肉包住新鲜嘅生菜，一啖食落口，又多汁又爽口，加埋沙律酱，真系绝配！🥢烧麻辣日本淮山😋其实点呢个菜前都有啲惊会太辣，不过因为系麻辣，所以唔单止个辣度可以接受，再加埋超爽甜淮山，识食嘅朋友一定要试呢个～🥢黑松露烧腐皮温泉玉子😋又系另一个菜式无谂过会喺串烧店出现，亦无谂过将呢几种材料放埋一齐系咁夹咁好味，当中嘅黑松露真系劲香浓，加埋流心嘅温泉玉子，正呀～《必试》香甜蜜桃雪葩‼️呢个雪葩真系好好味，绵绵嘅雪葩混入香甜嘅蜜桃，真系好味到想嗌呀～