小田田主題餐廳 (已結業)

今晚去左太子果边接朋友放工，之后佢介绍我黎间主题餐厅，佢话又平又新开～　睇MENU 都觉得唔错，于是入去试下～ 我地一人点左一个餐, 每个餐都包一碗汤都一个包! 是日餐汤系南瓜忌廉汤，汤质浓稀适中，浓郁既南瓜味，而个面包系粉紫色，食落口感软熟，唔错！点左个沙律蜜糖芥末酱猪手沙律，猪手咸咸地，沙律茱好新鲜，好FRESH =] 主食方面我就要个卡邦尼烟肉水波蛋蘑菇意粉，粒蛋煮得好靓，意粉滑溜，份量都几多。朋友就点左烤韩国济洲岛黑毛猪BB猪鞍，唔好讲笑，真系好有质素，它既脂肪分布平均，而且非常多汁嫩滑，好值得推介！我地仲加左$38 食个烟肉芝士焗蚝，好JUICY蚝又唔腥 =] 仲有我地一人一杯野饮，OREO 朱古力奶昔同玫瑰野莓茶，跟餐都有半价，好抵！下次会再来！