影片
更多
2019-06-25
37 浏览
我朋友一向对食物质素要求好高，佢今次带我黎呢间以飞机主题嘅餐厅，去试高质素西餐，而价钱又合理。我行到门口，已经非常有惊喜，好似真系有架飞机喺我隔离咁，仿真度非常高。入到去有好多飞机摆设，连离港个牌都完全同机场一样，仲有飞机到达时间表，净系喺呢d环境食晚餐，已经加咗唔少分。连佢地嘅餐牌都好有特式，我地叫咗2人套餐，个名好特别叫做特选商务舱晚餐，呢个餐有好多野食，价钱一d都唔贵。因为我地唔饮酒嘅关系，所以叫咗无酒精鸡尾酒，呢杯有汽嘅饮品唔错，入口好清新，入面仲有加咗士多啤梨果肉，佢嘅味道有酸酸甜甜，作为餐前饮品真系唔错。飞鱼子鲍鱼沙律-呢个沙律用全只鲍鱼切片，上面加咗大量飞鱼子，真系配合得好好，鲍鱼好新鲜，非常爽口弹牙鲜味十足，而沙律菜捞咗酸酸地嘅沙律汁，食落好开胃，d沙律菜都好新鲜。香煎鹅肝多士伴无花果-件多士烤到非常脆，上面主角鹅肝size都唔细，好厚，而且煎得非常香口，有焦焦地嘅感觉，完全冇over cook,再配上无花果一齐食，可以减低油腻感，非常好食。花胶蟹肉龙虾汤-个汤非常浓郁，个龙虾味好特出，好似龙虾全部精华都喺晒个汤果度，入面仲有好多花胶，d花胶都几厚，唔会煮得太淋，好有口
我行到门口，已经非常有惊喜，好似真系有架飞机喺我隔离咁，仿真度非常高。
入到去有好多飞机摆设，连离港个牌都完全同机场一样，仲有飞机到达时间表，净系喺呢d环境食晚餐，已经加咗唔少分。
连佢地嘅餐牌都好有特式，我地叫咗2人套餐，个名好特别叫做特选商务舱晚餐，呢个餐有好多野食，价钱一d都唔贵。
因为我地唔饮酒嘅关系，所以叫咗无酒精鸡尾酒，呢杯有汽嘅饮品唔错，入口好清新，入面
仲有加咗士多啤梨果肉，佢嘅味道有酸酸甜甜，作为餐前饮品真系唔错。
飞鱼子鲍鱼沙律-呢个沙律用全只鲍鱼切片，上面加咗大量飞鱼子，真系配合得好好，鲍鱼好新鲜，非常爽口弹牙鲜味十足，而沙律菜捞咗酸酸地嘅沙律汁，食落好开胃，d沙律菜都好新鲜。
香煎鹅肝多士伴无花果-件多士烤到非常脆，上面主角鹅肝size都唔细，好厚，而且煎得非常香口，有焦焦地嘅感觉，完全冇over cook,再配上无花果一齐食，可以减低油腻感，非常好食。
花胶蟹肉龙虾汤-个汤非常浓郁，个龙虾味好特出，好似龙虾全部精华都喺晒个汤果度，入面仲有好多花胶，d花胶都几厚，唔会煮得太淋，好有口感。原来龙虾同花胶可以咁夹。
烧美国小牛扒配烤波士顿龙虾-店员建议我地叫5成熟，紧系照跟啦，牛排烤到啱啱好，完全唔会过熟，虽然系5成熟，不过唔会有血水流出，牛味好重，好juice,而龙虾应该系焗过，面头有少少焦香，龙虾焗到啱啱熟，冇过火，一切果时龙虾d汁流出，好新鲜好好味，只龙虾非常多膏，d膏食落好甘香，仲有薯角、露笋同甘笋做配菜，呢个主菜真系令人好满足。
香煎北海道带子配黑松露意大利饭-上枱果时已经劲香黑松露嘅香味，每粒饭都充满黑松露嘅香味，因为d酱汁已经包住每粒饭，d意大利饭煮到啱啱好，唔太软唔太硬，口感非常好，个饭仲有劲多什菇一齐煮，真系每啖嘅味道都离不开菇嘅味道，上面仲有2粒劲大嘅带子，厨师将佢煎得啱啱好，唔会过熟而韧，带子好新鲜，好爽口，配埋个饭食真系一流。
法式焦糖炖蛋-上面有层好厚嘅焦糖喺面，好卜卜脆，入面嘅炖蛋好幼滑，唔太甜，焦糖皮夹埋炖蛋食，完全系绝配。
朱古力心太软配香草雪糕-呢个甜品份量都几大，足够2个人一齐食，心太软热辣辣，一切开，d朱古力酱即刻流出黎，朱古力味非常浓郁，唔太甜，配埋雪糕一齐食，个味道好有层次，钟意食甜品嘅人一定钟意。
最后涷柠茶做结尾，令呢餐完美结束。
张贴
