Lockeroom Dining (譽發廣場) (已結業)

一间餐厅食物质素故知然重要，其实服务态度都好重要，呢间餐厅嘅经理服务水平系我见过咁多餐厅里面最好嘅一间。服务态度包括佢介绍嘅菜式系咪真系真心推介同埋会唔会考虑客人嘅需要。语气态度都好重要。呢间餐厅直情系一百分。黑松露蘑菇汤经理推介，超级好饮，蘑菇有咬口，食落口好丰富好满足。唔单只系满足前菜嘅需要，就话其实当自己好肚饿𠮶阵，又唔可以食太多野，但系又好想揾啲嘢食咗先，呢度就系好满足到我对前菜嘅需要。白松露忌廉炒野菌虽然同前菜差唔多，但系另一种口味，食落口因为口感丰富，但系有啲too rich 嘅忌廉，大家要衡量下钟唔钟意食先好叫。咸蛋黄小食拼盘平时嘅小食拼盘已经好好食，加上咸蛋黄煮简直系邪恶嘅化身。如果你一边同人讲波一边食住呢啲咁好食嘅小食，果一晚你一定好开心。除咗咬口丰富而且好好食。炭烤美国1855牛肋排蜜糖烧肉汁平时啲牛肋排压力少啲都食唔到，但系住得好林好易入口，酱汁配得好好，而且份量丰富，有三大块总共九旧骨，简直系物超所值。Tiramisu经理诚意推介，当然要试吓啦，呢一间餐厅嘅Tiramisu我觉得系咁嘅食过最好食嘅一间，诚意推荐大家试一试包你唔会失望。