影片
更多
2024-01-14
1836 浏览
都无约单车老死食饭好耐喇，所以，趁佢无咁忙，就揾佢出嚟聚一聚，就佢返工嘅位置，相约过嚟佐敦一带，晌网上揾到呢间「Plato Cafe & Bistro」，风评不俗，位置好，食完大家各自搭车都方便。虽然只喺周中，但餐厅极旺场，目测都有9乘满，而餐厅嘅环境几好，一室咖啡店木系装修，配以灯光，墙上有好多食物绘画，感觉温馨舒服。店员嘅服务都好细心，会主动俾个布篮你摆袋，又主动添水收拾，服务颇为熨贴，而且，都好有礼貌。餐具、糖包、牙签就放晌枱上一旁，摆放整齐，份量充足，其实，亦反映到服务一环，晌预备上交足功课。折页式嘅主餐牌，打开一睇就有齐所有菜式，包括汤品、沙律、薄饼、前菜、主菜、全日早餐、意大利面、意大利饭、甜品……等等，选择非常之多。如果想食抵啲，就梗喺拣晚市套餐啦，包是日餐汤、主食及基本饮品，而主食都有成14款选择供应，应该都唔难拣。再想食得好啲、又抵啲，就不妨晌两款二人套餐中落手，一款卖$498，另一款卖$546，同样包前菜、餐汤、主食、甜品及饮品，计落确喺几划算，最后我哋就拣咗$498个二人餐，因为睇落都已经好丰富。天妇罗鱿鱼须3款前菜中，沙律、薯条当然食得多啦，反而呢个鱿鱼须真喺少
虽然只喺周中，但餐厅极旺场，目测都有9乘满，而餐厅嘅环境几好，一室咖啡店木系装修，配以灯光，墙上有好多食物绘画，感觉温馨舒服。店员嘅服务都好细心，会主动俾个布篮你摆袋，又主动添水收拾，服务颇为熨贴，而且，都好有礼貌。
餐具、糖包、牙签就放晌枱上一旁，摆放整齐，份量充足，其实，亦反映到服务一环，晌预备上交足功课。
折页式嘅主餐牌，打开一睇就有齐所有菜式，包括汤品、沙律、薄饼、前菜、主菜、全日早餐、意大利面、意大利饭、甜品……等等，选择非常之多。
如果想食抵啲，就梗喺拣晚市套餐啦，包是日餐汤、主食及基本饮品，而主食都有成14款选择供应，应该都唔难拣。
再想食得好啲、又抵啲，就不妨晌两款二人套餐中落手，一款卖$498，另一款卖$546，同样包前菜、餐汤、主食、甜品及饮品，计落确喺几划算，最后我哋就拣咗$498个二人餐，因为睇落都已经好丰富。
天妇罗鱿鱼须3款前菜中，沙律、薯条当然食得多啦，反而呢个鱿鱼须真喺少食，所以梗喺拣佢。唔喺讲笑，虽然只喺前菜一道，但喺份量都几多，满满嘅一大兜，鱿鱼须软熟柔韧有口感，加上外层脆浆好薄，沾上自家制他他酱，食味一流，真喺一件接一件食个唔停口。
天妇罗鱿鱼须
6 浏览
0 赞好
0 留言
粟米忌廉汤 跟住就喺餐汤登场，是晚嘅餐汤喺忌廉粟米汤，相对上算喺无咁特别嘅西汤之一，不过，做得都唔欺场，口感调得绵滑，好有浓浓嘅粟米香味。
龙虾汁虎虾意大利饭当一间餐厅有意大利饭供应嘅时候，小弟就偏好会拣呢一款菜式，因为我成日都讲，煮意大利饭唔难，但喺煮得好食唔易，好考师傅手势。眼前呢碟虎虾意大利饭个人嚟讲真喺接近满分，因为先讲卖相，已经非常靓仔，饭粒沾满汁酱之余，望落唔会太水，无过多汁酱嘅问题，两大只虎虾煎得金黄，摆盘够立体，已鎅背处理，方便食用，而食落虾肉弹牙、鲜甜，真喺无乜挑剔位，饭粒食落就带点咬口感，最正嘅喺每粒饭都沾满浓香嘅龙虾汁，味道好丰厚，加上里面混有好多野菌、三色椒、芦笋仔，绝对喺用心制作！
龙虾汁虎虾意大利饭
60 浏览
0 赞好
0 留言
西班牙黑毛猪鞍老友话牛扒比较食得多，所以，试吓猪鞍，加上货源嚟自西班牙嘅黑毛猪，自然喺加分位，成品上枱非常有睇头，大大件猪鞍煎到金黄带焦香，睇见都流口水，而落刀𠮶吓已感受到肉质𠮶份松化，入口仲有少少爽口嘅口感添，沾上好似带有香梨味嘅酱汁，更感清爽好味。伴菜方面有焗薯、翠玉瓜，而前者好有薯味，觉得够软腍，佐以酸忌廉同啲烟肉碎，实在滋味，后者炒得爽脆，做得一啲都无马虎。
西班牙黑毛猪鞍
20 浏览
0 赞好
0 留言
日式芝士蛋糕最后登场嘅甜品虽然只喺普通一件日式芝士蛋糕，但一样花啲心思装饰下，至于件蛋糕嘅味道，芝士味好香浓，质感绵密得嚟却喺非常之软滑。如果芝士蛋糕唔啱食，可以改选雪糕架！
冻柠茶 +$6老友就一早嗌定杯冻柠茶，边食边饮，佢就话茶底几幽香，俾到4片柠檬，够晒柠香。
即磨咖啡小弟就留到食甜品时先上杯咖啡，感觉更加叹，而咖啡喺即磨货式，啲豆都喺靓货，所以，饮落香醇，芳香细腻。
综合而言，无论环境、招呼，抑或食物，都好满意，所以，咁多客人光顾就真喺唔会无原因。
张贴
