SAVVY

今日朋友带我去尖沙咀海港城太子酒店3楼嘅SAVVY食lunch，lee间餐厅楼底都好高，空间感大，装修好时尚，仲分左三个区域：酒吧、酒廊及餐厅，餐厅坐得舒服，岩哂聚会。半自助午餐 $288Lee个半自助午餐都好丰富，有冷盘、沙律、冰镇海鲜、面包、汤等等，每位一个Main Course仲会有咖啡者茶添。自助区有冰镇海鲜：有小龙虾、冻虾、青口、翡翠螺、辣花甲等等，翡翠螺肉质弹牙有口感，鲜味十足，冻虾新鲜肥美。仲有好多款亚洲特色沙律，有泰式、日式、中式等等，沙律菜好新鲜，仲有红菜头藜麦好好味，汤有中式同西式两款，芝士款式同面包款式多。main course 主要系亚洲菜式。我就拣左印式秘制咖喱拼盘（虾）配烤饼摆盘真系好靓，以一弯半月形传统印度拼盘碟盛载，份量十足，有几款唔同辣度甜度嘅咖喱，有咖哩虾：弹牙嫩滑、咖哩青口、杂菜咖哩，tandoori chicken，另外新鲜现制印式烤饼都好好食，配薄荷乳酪酱或者咖哩汁一齐食一流。烧澳洲西冷配扒意大利青瓜烧薯仔黑椒汁大大件西冷，五成熟很粉嫩，外边微微焦㶶，西冷鲜嫩多汁，肉味香浓。