影片
更多
2018-10-18
121 浏览
今日去尖沙咀k11附近，打算食餐好嘅，㕑师发办Omakase，都算近，系棉登径嘅上岸料理，门面都几大，但入到去，其实系长形，只有5,6张枱，布置好家庭式，但感觉都几舒服，好有日本和式feel。先泥个豚肉野菜沙律，卖相算系精美，胡麻酱微酸清新，用嚟开胃，的确唔错！刺身有4款，都系我未食过嘅左囗鱼薄切，师傅嘅刀工认真犀利，每一片都薄到透明一様，卷住伴碟嘅葱同萝卜蓉来食，更可以突出鱼嘅鲜味。连子鲷刺身，好新鲜，肉质结实，非常有咬口。日本红衫鱼，阿妈间唔中煎嘅红衫鱼就食得多，日本红衫鱼就未食过，店员话喺日本特别関西地区，红衫鱼系种高级鱼，叫我要认真试下，食落觉得肉质好柔软，的确唔错。石垣贝刺身，肉质新鲜，味道鲜甜。寿司方面全部都系火炙，焦香嘅火烧味令人更加想先食为快，刺身都系时令嘅:深海池鱼肉质鲜美，好有囗感金目鲷系第一次食，鱼肉棉滑鲜甜甜虾口感味道比较实，比外面食嘅有口感。三文鱼柚子同带子都冇令人失望，都系超鲜甜。烧物有鸡肾同鸡软骨，食落去肉汁丰盈，非常有咬口，加d柠汁仲惹味，之后再食埋烧日本青椒仔，乜嘢油腻感都清晒！鱿鱼一夜干，聴店员讲，鱿鱼都系经新鲜调味腌制，吊干一晚后再来烧嘅，所以特别
先泥个豚肉野菜沙律，卖相算系精美，胡麻酱微酸清新，用嚟开胃，的确唔错！
刺身有4款，都系我未食过嘅
左囗鱼薄切，师傅嘅刀工认真犀利，每一片都薄到透明一様，卷住伴碟嘅葱同萝卜蓉来食，更可以突出鱼嘅鲜味。
连子鲷刺身，好新鲜，肉质结实，非常有咬口。
日本红衫鱼，阿妈间唔中煎嘅红衫鱼就食得多，日本红衫鱼就未食过，店员话喺日本特别関西地区，红衫鱼系种高级鱼，叫我要认真试下，食落觉得肉质好柔软，的确唔错。
石垣贝刺身，肉质新鲜，味道鲜甜。
寿司方面全部都系火炙，焦香嘅火烧味令人更加想先食为快，刺身都系时令嘅:
深海池鱼肉质鲜美，好有囗感
金目鲷系第一次食，鱼肉棉滑鲜甜
甜虾口感味道比较实，比外面食嘅有口感。
三文鱼柚子同带子都冇令人失望，都系超鲜甜。
烧物有鸡肾同鸡软骨，食落去肉汁丰盈，非常有咬口，加d柠汁仲惹味，之后再食埋烧日本青椒仔，乜嘢油腻感都清晒！
鱿鱼一夜干，聴店员讲，鱿鱼都系经新鲜调味腌制，吊干一晚后再来烧嘅，所以特别入味，食时加d青柠同七味粉，更能吊出鲜味。
松叶蟹脚系我嘅挚爱，用嚟整天妇罗，炸皮薄身，外脆内鲜，香口非常。
热稻庭乌冬，味道一般，冇乜惊喜。
甜品有柚子同番薯雪芭，柚子味酸酸甜甜，番薯有紫薯香味，都做得唔错。
美味嘅一餐食完喇，但我好似唔系好够饱，食物嘅分量稍为细咗啲，当然 唔敢出声啦，因为唔系我埋单，盛惠1千6百几，食得好啲，自然贵啲啦。
张贴
