玉庭

琴日，食完隔离间优质日本半自助晚餐，今晚同埋家姐过嚟食中菜。先叫咗餐前小碟，上次食鹅肝酱窝贴虾多士已经觉得好好食😋，维持水准👍🏼。今次试吓川味莴笋海蜇手撕鸡，其实一啲都唔辣，鸡肉鲜嫩、多多海蜇，味道不错，但系钟意食辣嘅朋友就唔好期望咁多啦。😂家姐钟意食北京片皮鸭，叫咗一只两食。第一次见片得咁有层次嘅鸭。😊我唔钟意食厚厚肥羔嘅片皮鸭，呢只啱晒我口味。𠮶生菜包鸭松唔会好油，肉质都仲系好嫩，味道非常okay.之后再叫多个金蒜椒盐白饭鱼，薄薄一层炸粉，外脆内软，重点啲白饭鱼系大大条嘅。😋最后食埋个好有口感嘅荷叶饭，我一向都唔系好食饭，今晚竟然食完又食。😂家姐话啲饭粒瘦瘦长长，好似印度米。我钟意佢烟烟韧韧，好有口感。😋😋讲真冇折都几贵，我哋系会员今餐有八折，折实连加一人均三百几。咁嘅食物质素，加上环境同服务都唔错，值得推介。