牛魔 (已結業)

好姊妹生日陪佢行完K11再跟住行过对面位于棉登径人气店「牛魔」食烧肉 ，餐厅以半开放㕑房设计，抽风系统做得好好, 一啲油烟味都无，坐位亦阔落舒适！一坐下就有两小碟前菜～泡菜同中华沙律，开胃之选！梅酒蕃茄: 清甜而有微微嘅梅酒香味，非常清新！苹果木烟熏松露黄牛他他:一打开就有苹果木造嘅烟熏冒岀，新鲜牛肉切丝伴苹果丝同蛋黄酱汁搅匀，入口嫩滑冇腥味，松露味唔算突出，味道略为咸咗啲，如用嚟送酒就刚好！芝士吉列鸟肶肉饭卷:一份有4件，配料好丰富，有三文鱼子、芝士、吉列炸鸡卷成饭卷，很有层次,芝士令口感creamy, 配埋𠮶酱好好味！香葱薄切牛舌（七枚）:肉质软滑爽口配埋香葱一齐食，口腔内香气四溢！鸟肶肉酱油（四本）:用酱油腌制过鸡肉，嫩滑唔会嚡，唔洗点酱汁都够味！老饕澳洲M5/M6和牛牛板腱（五枚）:油脂分布均匀，真系入口即溶，好重牛脂香味！野菜组合:野菜看似煮熟过, 稍为再烧热返就食得。包括有翠玉瓜，番薯、南瓜，粟米。烤过翠玉瓜仍然爽脆，粟米配以牛油烤好好味，而番薯同南瓜都好甜！两杯饮品都有蒟蒻粒：凤梨梳打: 甜甜酸酸，清新解腻！巨峰梳打: 果汁浓郁，香甜解渴！