鮮芋仙 (屯門市廣場1期)

营业中

休息中

提供芋圆同仙草嘅甜品店到处都有，鲜芋仙可以开到 11间店，想必有其过人之处。今次嚟到屯门店，试下招牌仙草沙冰。面头系口感 Q 弹嘅芋圆同地瓜圆，两者以地瓜圆味道较浓，好正👍。仙草一直系我嘅至爱，呢度嘅仙草爽滑味浓，配埋奶油，口感同味道都一流。至于最底嘅仙草沙冰较为少见，虽然系冰底，但系一啲都唔淡，黑糖味浓之余又唔会死甜，好啱我口味。睇 menu，呢度仲有好多配料可以加，款款都好吸引，下次帮衬一定要再试。