影片
更多
2022-11-08
94 浏览
最近几个月一直都减紧肥，好耐未试过去食烤肉，仲要系放题。呢啲行quota制嘅嘢梗系要拣一间最好嘅嚟食啦。呢间日式烤肉每一个set都超过100款食物，除咗肉类之外更加有唔少嘅熟食，寿司，卷物，一品料理等等，其实120分钟真系唔够时间食咁多嘢，因为佢嘅选择实在太多啦。最重要嘅系佢呢度嘅每一款和牛，无论系边种等级，都绝对系有返咁上下质素。我哋拣咗set B嘅严选牛肉，可以拣嘅牛肉有好多唔同嘅部位，同埋唔同嘅等级。呢个set本身就会包咗一架船同埋一个桶俾你试晒佢哋唔同嘅普通级别肉类先，除咗牛之外当中仲有鸡，猪同海鲜，然之后你就可以在自己望住自己嘅喜好去加单。当中我哋自己加咗特选级别嘅牛肋肉，牛舌同牛里脊，佢呢度嘅牛舌系厚切，比你更加容易掌握佢嘅熟成度，唔会因为太薄容易烧到老晒。另外我觉得最正嘅系佢个大判寿喜烧牛里脊，牛味好够浓，平时咁大块好似床单咁都系攞嚟做寿喜烧，但原来攞嚟烧都好正。除咗烧嘅肉类之外佢呢度仲有牛刺身可以试，佢本身有三款牛刺身，而我自己觉得呢款系最好食。因为佢捞完啲日本鸡蛋之后，沾满晒蛋黄浆真系好香好滑。除咗一大堆嘅肉类之外，佢呢度嘅海鲜种类都唔少，不过相比起呢度嘅牛肉，佢啲海
呢啲行quota制嘅嘢梗系要拣一间最好嘅嚟食啦。呢间日式烤肉每一个set都超过100款食物，除咗肉类之外更加有唔少嘅熟食，寿司，卷物，一品料理等等，其实120分钟真系唔够时间食咁多嘢，因为佢嘅选择实在太多啦。最重要嘅系佢呢度嘅每一款和牛，无论系边种等级，都绝对系有返咁上下质素。
我哋拣咗set B嘅严选牛肉，可以拣嘅牛肉有好多唔同嘅部位，同埋唔同嘅等级。呢个set本身就会包咗一架船同埋一个桶俾你试晒佢哋唔同嘅普通级别肉类先，除咗牛之外当中仲有鸡，猪同海鲜，然之后你就可以在自己望住自己嘅喜好去加单。
当中我哋自己加咗特选级别嘅牛肋肉，牛舌同牛里脊，佢呢度嘅牛舌系厚切，比你更加容易掌握佢嘅熟成度，唔会因为太薄容易烧到老晒。
另外我觉得最正嘅系佢个大判寿喜烧牛里脊，牛味好够浓，平时咁大块好似床单咁都系攞嚟做寿喜烧，但原来攞嚟烧都好正。
除咗烧嘅肉类之外佢呢度仲有牛刺身可以试，佢本身有三款牛刺身，而我自己觉得呢款系最好食。
因为佢捞完啲日本鸡蛋之后，沾满晒蛋黄浆真系好香好滑。
除咗一大堆嘅肉类之外，佢呢度嘅海鲜种类都唔少，不过相比起呢度嘅牛肉，佢啲海鲜就真系逊色不少，佢啲虾唔够新鲜所以唔够弹牙，但系啲带子都唔错嘅，但系最好就要食佢有调味嘅𠮶一款。
另外蔬菜类当然唔少得啲菇类啦，同埋仲有一啲茄子同埋意大利青瓜，佢个牛油嘢菇都唔错。
另外佢有好多唔同嘅熟悉同埋冷盘前菜，冷盘前菜我就唔多介绍啦，不过食到腻腻地，我哋叫咗佢两个汤嚟饮，分别系蛋花汤同埋海带汤，清清地解下腻都唔错㗎。
喺饮品方面其实佢都真系好多选择，除咗日常见到嘅罐装饮品之外，佢哋呢度仲有好多款唔同嘅特调特饮，但系因为肚量有限，我只系试咗其中一款，都真系唔错㗎，绝对唔系药水味。
最重要嘅系佢呢度嘅雪糕甜品唔系好似出边咁行，食嚟食去都系得Häagen-Dazs或者Dreyer，而系日本有名嘅明治，有齐晒咁多只唔同嘅味道，而我就拣咗个蜜桃乌龙茶，唔会太甜又好有茶嘅香味，岩晒我。
最后我想赞吓佢呢间舖头嘅装修，最特别系喺中间嘅位置会有一条食物嘅运输带，你嗌咗嘢食会自动送到嚟嘅枱边，然后你就可以自己拎，对我来讲觉得好新奇，又有得玩又有得食。装修方面简洁得来感觉好宽敞，而且粉色嘅色调亦都令女孩子感觉几舒服，最重要系我觉得佢哋个厕所都靓过人。不过呢度唯一嘅败笔就系呢度嘅职员态度真系唔系咁好，俾人嘅感觉唔系太有善，除咗冇乜笑容之外，同你讲嘢嘅态度一啲都唔亲切，而且19分要交台，18分已经会嚟叫你离座。幸好过呢度嘅嘢食真系有返咁上下质素，如果唔系真系未必会再嚟。
张贴
