鍋處

营业中

休息中

天气开始转凉，自然想打边炉。见佢每个套餐加$20就有任食，毫不犹豫就拣咗任食了。我哋拣嘅系霜降组合，啲牛肉一上见到啲雪花，就知品质一定有返咁上下。寿喜烧汤底烧牛肉一流，职员仲会留返一壶汤底俾你慢慢加。另一个我哋拣咗塩趜洗野菜汤，正好中和较重味嘅寿喜烧，各有千秋。火锅配料选择唔算多，但质素都唔错。反而甜品有惊喜，细细粒Brownie唔系死甜，朱古力味好香，值得一食。出面仲有Häagen-Dazs 同香港本土品牌雪糕任食，试咗港式奶茶味，有茶香而唔会太甜。饮品方面，最推荐佢自家制两款冷泡茶，茶香极浓，又可以消滞，继续战斗落去。整体而言，虽然系任食，但质素如同单点火锅咁高质，CP值高！