和牛蕃 (已結業)

月头去咗「和牛蕃」食和牛烧肉放题，好高质又好抵食！ 和牛蕃由东京人气烧肉店「蕃 YORONIKU」创办人兼东京名厨桑原秀幸主理，以往做和牛omakase，最近推出左任食日本顶级A5和牛「日山和牛」90分钟烧肉放题($488)除咗任食A5日山和牛，味噌汤、泡菜、田园沙律、小食、蔬菜拼盘、肉类拼盘、日本米饭、冷素面都可以仼点！ 每人仲送和牛迷你汉堡一个及时令海鲜拼盘，非常丰富！ 日本A5和牛虽然任点，但冇将货就价，质素好高！每日都会精选两个部份，两款都油脂分布平均，纹理漂亮，肉质嫩滑，仲入口即溶，正！和牛汉堡有得DIY，食之前将汉堡皮烘一烘，食落更脆口。和牛上枱时已经五成熟，所以净系煮返热再夹返包一齐食就得。和牛肉味浓郩，而且非常厚身，啖啖肉好满足💕海鲜方面，每人有一只扇贝、一只青口同一块鲭鱼，扇贝同青口鲜味十足。肉类拼盘有五花腩豚肉及鸡肉，调味都唔错，不过我主攻牛，所以拼盘都食唔晒。蔬菜拼盘有洋葱、南瓜、茄子、粟米仔。小食拼盘有芝麻豆腐、辣味螺肉、薯仔沙律、中华沙律、枝豆，全部都好啱我口味，螺肉、薯仔沙律同中华沙律我encore咗两轮呢！食到最后，餐厅仲送上日式蕨饼红豆雪糕甜品，红豆比较