最掂燒味 (已結業)

其实我成日行过呢间铺头，经过嘅时候见到个名，快入面都谂：最掂，真系有几掂呀？之后有一日，我个fd就问我食唔食呢间嘢，佢话个汤好好饮，咁因为我系好钟意饮汤嘅人，我就被佢吸引左，去试下呢间嘢有几掂。呢个铺嘅外表其实系一个好似普通嘅茶餐厅，所以正常人未必会拣入去，但系如果你咁谂，你就会miss左一间真系好唔错嘅餐厅。我叫左叉烧烧鸭米粉个叉烧肥瘦啱哈好，而且外面嘅蜜汁甜度适中，好好食！烧鸭唔会太肥，而且俾嘅部位都唔系差嘅位，特别在于佢个梅子酱，同出面烧味铺俾嘅唔同，应该系自己再调较过嘅，所以好特别，都好好食。特别钟意饮汤嘅我，不得不介绍个汤，因为，佢个汤系红萝卜，豆煲成嘅，完全无肉，系零肉呀，但系个汤都超甜！超甜！超甜！证明绝对唔系讲笑，真材实料。钟意饮汤嘅，真系要试下。我地仲叫左个卤水拼盆，有蛋，猪肠，猪耳，豆腐，样样都好入味，唔会太咸。真心推介！！！