謙記火鍋

营业中

休息中

去得多以装修做gimmick嘅火锅店，有时都想返璞归真，帮衬吓啲传统火锅店，冇人介绍，只系求其揾，却出奇地有惊喜。服务员好有耐性介绍汤底，最后我拣咗黑胡椒猪骨汤，好好饮，猪骨好有份量，仲贴心附上透明胶手套，方便食猪骨。日本黑豚腩肉喺必点火锅配料，肉味香浓鲜甜，又带点猪油甘香。手切鲜肥牛，肉质有赵口，牛肉味重，如果大块啲会更有口感。四宝丸有梅菜猪肉丸、虾丸、鲜牛肉丸、墨鱼丸，打得弹牙鲜味，其余配料食得出好新鲜。最后送上甜品，迷仔墨西哥奶黄饱，由于热辣辣，皮薄馅多，我食埋朋友𠮶份。整体食物质素高，服务员态度好好，绝对值得再帮衬！