凱日宴會廳

营业中

休息中

酒楼都几大，用餐环境都唔错，枱同枱之间相隔都远，唔迫兼私隐度十足👍🏼南北杏参须炖凤凰汤 $48先一人一个炖汤暖胃，汤头清澈唔油腻。个汤好都足料，亦有很多参须，好有参味，唔错唔错。清蒸沙巴龙趸 $58酒楼而家做紧晚饭四选一，清蒸沙巴龙趸都系$58一条，超值🤩如果唔食鱼嘅话可以拣鸡，平日一至四都只系$8半只🙀另外𠮶两款都超级抵。原条🐟蒸，好新鲜，趁热食就最好食。鱼肉结实，蘸上蒸鱼豉油汁，鲜味更出😻再嚟一个孖宝👭$188蒜蓉粉丝蒸扇贝 蒜蓉配扇贝基本上都冇得输，扇贝都大只，鲜甜好食。粉丝索埋个豉油蒜蓉汁，唔错唔错。话梅猪手煲个汁用话梅菠萝🍍熬煮而成，酸酸甜甜很开胃。🐷猪手都有七至八件，炆得都淋，猪皮很厚，满满骨胶原，烟靭软腍，同个话梅汁好夹。蒜蓉炒豆苗 $98豆苗翠绿鲜嫩，唔会炒到过晒火，越食越好食。最后仲有红豆沙送，食得很饱呢。酒楼有得打麻雀🀄️添，钟意游干水嘅朋友可以向酒楼问下详情吖。