金記冰室 (建新中心)

营业中

休息中

早排同妈妈喺隔离餐厅食晚饭，妈妈话下次试吓金记冰室，咁就带妈妈去试吓。未入店内职员见到我哋时都已经行定出门口招呼，而家已经好少冰室会有呢一种服务了，加上疫情关系，入店前都要嘟安心出行或者登记，职员都有清晰指示，唔错唔错。其实呢间店都系我第一次嚟，店舖装修好似几廿年前嘅戏院咁，几特别。晚餐得我同妈妈两个人，所以点咗个二人餐有两𩠌两饭两汤两饮品，𩠌菜拣咗霸王鸡同菠萝咕噜肉，碟咕噜肉真系好味，排骨即炸好香脆，估唔到菠萝仲要系用新鲜而唔系罐头，食到真系想再叫多碟；而霸王鸡嘅肉质超嫩滑，好香葱油味，可惜个胃唔够大，否则呢个真系送饭一流！咁多嘢食都只系$168。