亞玉冰室 (已結業)

亚玉冰室相信住系元朗区既朋友无几多个唔识，之前都食过好几次，返食得就当然好食先会返转头，今日中午就再黎同朋友们食个午餐。餐厅门面同格局都同传统既冰室有几分似，同而家新派既冰室不同，但食物款式边方面都比较有特色，例如焗野炒野之类都同一般茶餐厅款式不同，而味道都好夹。芝士猪颈肉煎蛋焗饭呢个我之前食过焗通粉，今日肚饿d食焗饭，先讲个炒饭底够干身得黎唔会好硬，份量都好足，夹埋芝士汁绝配，猪颈肉大约有4-5块，肉质爽口奕有调过味唔会淡茂茂，煎蛋就正常一只熟蛋，成个餐好丰富。窝蛋芝士吞拿鱼焗意粉朋友A拣既，意粉口感唔会过腍，吞拿鱼同芝士汁都好足，窝蛋经过咁热既焗汁转头都熟左7成了。亚玉鸳鸯焗饭朋友B拣既，鸳鸯即系鸡排同猪排，茄汁同白汁，食到两款排同两只汁，排炸过唔会好干。冻柠茶少甜自己拣左少甜，茶味偏淡d，笃完柠檬酸味比较重。另外都介绍下亚玉既特色红豆冰系列，跟餐加10蚊就有1杯大大杯，啤酒杯咁大，有沟埋咖啡或奶茶，之前就试过红豆冰咖啡，个人认为就比较甜，同埋真系太大杯饮唔晒，有兴趣既朋友不妨试试。整体黎讲亚玉既食物几有质素，款式都有特色，价钱黎讲算中规中矩啦，无话太平又未到好贵，值得推荐。