三木日本料理 (已結業)

心目中有个放题排行榜，耐唔耐要更新下。留意到呢间口碑唔错，嚟试下。叫咗好多刺身包括：甜虾油甘鱼剑鱼腩三文鱼带子赤贝，送嘅限量牡丹虾鲍鱼等，全部好新鲜，店方大量送上摆位又靓。寿司如三文鱼子海胆葱吞拿鱼腩鳗鱼啲饭好细嚿可以食多啲。个汤同煮蚬正常。甜品如奶冻雪糕等超掂！烧物如海虾鲭鱼鸡翼软骨蚝鹌鹑蛋太干身，锅物个火唔够大，炸物好厚粉又实。印象中店家似乎熟食麻麻地。人手好唔够叫咗好耐都唔应应咗都要催催完都未必做到。不过冇乜漏单算系咁。主攻刺身寿司几抵食。