黑木亭居酒屋 (金馬倫道)

今日行过尖沙咀，睇到佢今日做紧优惠，咁一定要encore啦。店铺晚市基本full晒，足够人气。蓝蝶花佛手柑熊茶，佢嘅饮品好有特色，基本都会有只熊仔，今次熊仔仲要包住条被，好得意。饮品饮落佛手柑味唔算好浓，有淡淡柠檬清香，好清爽。绿茶鲜奶熊脆脆，哩只熊仔又唔同咗，好似翻咁墙。绿茶味好浓，同牛奶好夹，同样唔会好甜，朱古力脆脆丰富咗口感。黑松露牛油野菌珍宝烧蚝，买一送一，野菌都几多下，蚝好大一只，就算黑松露味好重，都唔会盖住蚝嘅鲜甜肥美。炸葱吞拿鱼蓉𩽾𩾌鱼肝卷，上层系吞拿鱼蓉同炸葱，下层系𩽾𩾌鱼肝卷，𩽾𩾌鱼肝食落好绵密，好似食紧cream。石烧厚切和牛配葱盐酱及萝卜酸汁，和牛品质好高，仲可以自己掌握熟度，简直入口即化，搭配嘅葱盐酱及萝卜酸汁起到画龙点睛之笔，中和咗和牛油脂，又带出和牛清香，好味。A5和牛海胆芝士牛角包，好新颖嘅配搭，牛角包落咗大量芝士酱，每一啖都食到和牛海胆同芝士，绝品。每次食完哩间日本餐厅，都比到我惊喜，下次要试下新出嘅熊仔寿喜烧！