渝味曉宇重慶老火鍋 (太子集團中心) (已結業)

个friend约我食饭，饭局主题好夸张：「重庆火锅50强」「舌尖上的中国2」独家推荐「正宗麻辣锅」😝😝。入到去眼前一亮，开扬维港景致+蓝天白云，装潢光鲜明亮，火锅细心位如围裙、各类火锅用具、摆放随身物品嘅篮都做得一丝不苟。鲜黄喉，系猪/牛心室输出个条大动脉血管，高蛋白质，呢个唔知系牛定猪，但肯定新鲜处理，因为咁先会又脆又爽口。OMG! 个汤底个样几似样㖞！一边又麻又辣，一边系成棵芫茜同糖心皮蛋，清新下火，岩哂friend底围炉打边边！晓宇苕粉，即系红薯粉。老老实实，粉嘅份量唔多，但可以讲系我食过最好味嘅薯粉，够哂烟韧弹牙又滑一滑。皇帝菜新鲜无渣有菜汁，脆鲩鱼腩骨少肉厚，爽脆嫩滑，都几鲜甜。手打虾滑弹牙有虾味，贵花蚌只系灼一灼，入口鲜味爽口！仲有安格斯肥牛同纽西兰鸭血，鸭血吸左汤底，惹味而且入口几爽滑。已加入本人必定回头火锅list。