影片
更多
2009-09-22
2 浏览
昨天放饭时间, 师傅冇咩食欲, 加上唔多肚饿, 所以索性小睡片刻; 但又唔知点解训训下又想出去逛下, 大概系心太野! 于是即刻出去行下, 但喺呢d乡下地方, 边有好地方可以散下步得架? 正当闷闷不乐之际, 忽然间师傅谂到附近有间咖啡店, 应该唔会太多人, 可以去坐下㖞, 于是即刻出发!去到咖啡店外, 望下有咩好食或好饮啦, 点知个伙计已经行左出黎招呼, 眼见又冇咩人于是就决定入去坐下; 其实入去同出去都冇咩分别, 皆因呢间咖啡店系用开放式设计, 但感觉挺舒服! 坐底后即刻望下有冇正野先, 哎呀! 原来又系冇靓女, 正有少少失落之际, 师傅忽然有另一种感觉, 就系"牙痕", 想揾少少野咬下, 于是师傅就睇下有冇轻盈d嘅食物, 最后见到午餐其中一客系吞拿鱼火腿意大利包, 于是就落单, 再加多一杯咖啡! 其实师傅一向都不太钟意咖啡, 谈不上欣赏, 更惶论研究, 但偏偏呢度咖啡选择甚多, 喺唔知点拣嘅情况底下, 师傅就随心拣左Xen秘调!落完单一条友四围望, 冇靓女可供观赏下, 唯有望下餐牌, 影下相咁啦! 终于等左一阵一杯热腾腾嘅咖啡登场, 咦! 点解会系一杯斋啡? 黑忟忟唔多吸引, 加上斋
去到咖啡店外, 望下有咩好食或好饮啦, 点知个伙计已经行左出黎招呼, 眼见又冇咩人于是就决定入去坐下; 其实入去同出去都冇咩分别, 皆因呢间咖啡店系用开放式设计, 但感觉挺舒服!
坐底后即刻望下有冇正野先, 哎呀! 原来又系冇靓女, 正有少少失落之际, 师傅忽然有另一种感觉, 就系"牙痕", 想揾少少野咬下, 于是师傅就睇下有冇轻盈d嘅食物, 最后见到午餐其中一客系吞拿鱼火腿意大利包, 于是就落单, 再加多一杯咖啡! 其实师傅一向都不太钟意咖啡, 谈不上欣赏, 更惶论研究, 但偏偏呢度咖啡选择甚多, 喺唔知点拣嘅情况底下, 师傅就随心拣左Xen秘调!
落完单一条友四围望, 冇靓女可供观赏下, 唯有望下餐牌, 影下相咁啦! 终于等左一阵一杯热腾腾嘅咖啡登场, 咦! 点解会系一杯斋啡? 黑忟忟唔多吸引, 加上斋啡冇奶好寡好伤架嘛; 等多一阵迷底解开了, 原来花奶系另上, 任由食客自由添加, 呢一下师傅又觉得呢间食店想得几周到; 皆因好似师傅呢类唔多钟意花奶嘅食客, 就唔会觉得杯咖啡奶多少啡, 喧宾夺主喇, 自己想要几多就落几多, 洽到好处!
加入花奶同黄糖后, 师傅即刻试下杯咖啡; 以师傅角度黎睇, 呢杯咖啡带出黎嘅香味并唔算浓, 但将只杯攞埋个鼻度近少少, 就闻到非常之香浓, 令师傅精神为之一振; 再喝一口, 发觉咖啡并冇苦同涩嘅味道, 鉴于师傅放糖同奶亦不多, 能有这种效果, 堪称神奇, 莫非真系秘调? 喝下一口神奇咖啡亦正好为黎紧嘅意大利包做好准备!
吞拿鱼火腿意大利包一客有两件, 将长长嘅意大利包切开两件, 再放入藩茄, 火腿同埋吞拿鱼; 本来应该仲有生菜, 但是日咁啱售罄, 师傅反而觉得冇生菜更好; 先讲下个意大利包, 包身新鲜软熟, 加上烘到脆脆地, 入口劲好味, 特别系师傅对面包一向都麻麻地, 而今次呢个确实有水准, 净系个包都一绝; 而里面嘅藩茄够新鲜, 加上汁多鲜甜, 好好味; 而火腿同吞拿鱼虽然冇咩特别, 但呢个配搭竟然好味到不得了, 简直系妙到毫颠, 加上白汁份量不多, 师傅真系不停口系咁食!
总拾黎讲吞拿鱼火腿意大利包同咖啡质素甚佳, 而环境都算舒服, 服务态度友善, 价钱又唔算平, 埋单四十八蚊! 好抵食又未算, 但喺呢d乡下地方有间咁高水准嘅食店, 可以食下面包, 叹下又咖啡, 令师傅叹左个高质素嘅午餐, 确实不错! 师傅对呢间食店印象良好, 所以有机会一定会再黎, 笑脸当然值得一比啦!
张贴
