影片
更多
2022-07-13
3186 浏览
以前有一班中学同学，隔一年半载就会约一约出嚟聚一聚，搞个大棚人嘅饭局，自新冠后，都未聚过，只晌啲群组发吓信息。最近，又有个别旧同学话好耐无见，想约出嚟食餐饭，所以，造就今餐嚟到铜锣湾「Memoir」3人嘅小饭局。 登龙街嘅「永光中心」已成为知名嘅食厦，以往都曾经嚟过其他餐厅食饭，今次晌17楼嘅「Memoir」，同样一出电梯就喺餐厅，占地全层，装修型格摩登，一室以灰黑为主调，座位编排又唔算好逼，加上今日喺假日嘅中午，客人唔及返工日咁多，感觉更舒适写意。 再入啲仲有个区域，原来可以间开成两个区域，方便包半场或全场，咁嘅设计都几好，有兴趣包场嘅朋友可以向店员问问价。 而整体虽然装修简约，但不少地方都加咗啲干花做摆设，点缀吓，感觉会好唔一样。 午市时段主要都喺提供午餐，包前菜或餐汤、饮品，定价都喺$78-$198，最好喺有好多额外加配嘅小食，以及甜品，咁就可以就番自己喜好去拣，弹性更大。而店员嘅招呼好唔错，上菜嘅速度啱啱好，又会收拾一下用餐完嘅餐具。 吉列牛肉薯饼 $38我哋见啲小食唔贵，大部分都喺几十蚊一客，所以，嗌一客一齐「些牙」试试。真喺小小意外惊喜，一客有两件，都几大件吓，炸得一啲都油
登龙街嘅「永光中心」已成为知名嘅食厦，以往都曾经嚟过其他餐厅食饭，今次晌17楼嘅「Memoir」，同样一出电梯就喺餐厅，占地全层，装修型格摩登，一室以灰黑为主调，座位编排又唔算好逼，加上今日喺假日嘅中午，客人唔及返工日咁多，感觉更舒适写意。
再入啲仲有个区域，原来可以间开成两个区域，方便包半场或全场，咁嘅设计都几好，有兴趣包场嘅朋友可以向店员问问价。
而整体虽然装修简约，但不少地方都加咗啲干花做摆设，点缀吓，感觉会好唔一样。
午市时段主要都喺提供午餐，包前菜或餐汤、饮品，定价都喺$78-$198，最好喺有好多额外加配嘅小食，以及甜品，咁就可以就番自己喜好去拣，弹性更大。而店员嘅招呼好唔错，上菜嘅速度啱啱好，又会收拾一下用餐完嘅餐具。
吉列牛肉薯饼 $38我哋见啲小食唔贵，大部分都喺几十蚊一客，所以，嗌一客一齐「些牙」试试。真喺小小意外惊喜，一客有两件，都几大件吓，炸得一啲都油腻，咬落咔嚓一声脆到不得了，而里面虽然牛肉唔多，但薯蓉打得绵滑，充满薯香，沾上个蜜糖芥末汁，真有画龙点睛之效，掂呀！
吉列牛肉薯饼
$38
71 浏览
0 赞好
0 留言
精选餐汤旧同学就拣餐汤，而是日餐汤喺蕃茄浓汤，色泽艳红，无话暗暗哑哑。佢话个汤嘅蕃茄味好突然，而且，茄味酸香鲜活，感觉自然，唔似靠茄膏去提味嘅货色，加上质感柔滑，稀杰度啱唔好，喺有诚意嘅出品。
杂菜沙律小弟就想食番多啲菜，所以，拣咗沙律，以沙律菜为基础，加咗啲车厘茄同樱桃萝卜，再淋上带点点酸味嘅胡麻酱，效果几好多，食落好清爽，加上啲食材够新鲜，食完好醒胃。
菠菜汁烟三文鱼扁意粉 $98主菜我哋就打算共享，咁大家都可以试匀师傅嘅手势。先分享碟扁意粉，似喺大路嘢，但食得出啲细节位。就好似啲烟三文，部份跟意粉一齐煮，令到啲意粉有阵阵咸香嘅三文鱼味，部份就后加上面，既作装饰，食落油香更突出；此外，意粉煮得极具咬口，真喺恰到好处，每炷面都挂满菠菜汁，好食。
菠菜汁烟三文鱼扁意粉
$98
30 浏览
0 赞好
0 留言
烧鳗鱼意大利饭 $108这道意日联乘嘅意大利饭，亦有惊喜，首先原条蒲烧鳗鱼放上面，已经颇有睇头，鳗鱼油润甘香，非常好食；而意大利饭又喺煮得啱啱好，有烟韧感，却唔会有种生米嘅感觉，煮得绝对有一手，最有心思喺饭内混有好多枝豆，令到饭粒嘅口感变得有变化。
烧鳗鱼意大利饭
$108
24 浏览
0 赞好
0 留言
红酒汁烩牛肋条配薯蓉 $108单睇外观，几道主菜中，以呢一道牛肋条份量最强，数一数有成6条，仲要伴有大量薯蓉，饱肚感十足。食落啲牛肋条真喺做得唔错，既肉质松化，又浓郁有肉香，以红酒汁去烩，当然又喺经典配搭；薯菜方面，啲薯蓉睇样都见打得好滑，满满薯香，即喺无沟粉，沾啲红酒汁食就更一流。
红莓汁餐饮有好多果汁类嘅选择，唔使次次都柠茶、柠水、咖啡之类，所以，其中一位就拣杯红莓汁，虽然，唔讲都知喺现成货，但质素又唔错，至少感觉唔似喺啲平价嘢。而老友最欣赏只杯，里面喺「反底」营造咗个「冰山」。
冻柠茶柠茶都写？平常就唔会写，但遇到有卖点嘅都会写吓，就好似呢杯冻柠茶，喺唔见有柠檬嘅，因为会奉上一小壶仔鲜柠汁及糖浆，自行调校酸甜度，喺一份心思。
热咖啡由于我哋加配咗甜品，所以，小弟就少少惯性拣杯即磨咖啡嚟衬一衬，因为喺即磨货色，唔差得去边，味道芳香醇厚。
伯爵茶意式奶冻 +$28两款甜品都啱心水，不过，就喜欢奶冻多少少。而个奶冻比预期大杯，仲谂住喺时兴嘅「樽仔」，睇落好似平平无奇，入口就喺有种禾秆冚珍珠嘅感觉，质感滑溜细致，伯爵茶味非常突出，却不失奶味。
伯爵茶意式奶冻
$28
23 浏览
0 赞好
0 留言
老友就拣法式蛋糕，而是日喺咖啡芝士饼，做成一层层，再加少少装饰，卖相唔错㖞。佢就话面层嘅咖啡慕丝做得好柔滑，跟住下一层嘅芝士饼亦好浓郁，喺个饼底麻麻哋啫。
不得不讲吓服务，虽然，只好似一般西餐厅，但服务拍得住啲高级餐厅，好似上菜咁，每一轮菜式都喺同步，唔会上完一个主菜，等好耐先上另一个；用餐完，侍应亦会主动收拾，当然，添水呢啲指定动物一样自动波，而且，佢哋都好好礼貌，予人感觉殷勤。
张贴
